თელავში, არასამთავრობო ორგანიზაცია “გამჭვირვალობა საქართველოს” რეგიონული ოფისი გაიხსნა

ღონისძიებას ორგანიზაციის ხელმძღვანელი, ეკა გიგაური დაესწრო.

მისი თქმით, ოფისის მთავარი ფუნქცია იმ კორუფციული სქემების გამოვლინება იქნება, რაც თელავსა და მთლიანად კახეთში სახელისუფლებო და საბიუჯეტო ორგანიზაციებს ეხება.

მსურველ მოქალაქეებს ადგილზე იურიდიულ კონსულტაციასაც გაუწევენ.

რეგიონულ ორგანიზაციას გიორგი ბიძინაშვილი უხელმძღვანელებს.