თელავის მუნიციპალიტეტის სოფელ ფშაველში 2 მაისს დღესასწაული გაიმართა, რომლის ფარგლებში ქართული ტრადიციულ ჭიდაობა ჩატარდა. შეჯიბრში 13 წონით კატეგორიაში 200-მდე ფალავანმა მიიღო მონაწილეობა.
სპორტსმენები საქართველოს სხვადასხვა კუთხიდან ჩამოვიდნენ. მათ შორის იყვნენ საქართველოს, ევროპისა და მსოფლიოს ჩემპიონები ჭიდაობის სახეობებში. გამარჯვებულებს ფულადი ჯილდოები და საჩუქრები გადაეცათ, რაც საკმაოდ დიდი სტიმული იყო როგორც მოქმედი, ასევე დამწყები მოჭიდავეებისთვის.
ღონისძიებას თელავის მუნიციპალიტეტის მერი შოთა ნარეკლიშვილი, ადგილობრივი თვითმმართველობის წარმომადგენლები და სხვა დაინტერესებული პირები ესწრებოდნენ.
