მარიხუანის მოხმარება გულ-სისხლძარღვთა დაავადებების რისკს ორჯერ ზრდის – ასეთ დასკვნამდე ტულუზის კლინიკური და ექსპერიმენტული კვლევების ინსტიტუტის მეცნიერები მივიდნენ. მათ ჩაატარეს 25 კვლევის სისტემური მიმოხილვა და მეტაანალიზი, რომელიც დაახლოებით 200 მილიონი ადამიანის მონაცემს მოიცავდა, რომელთა ასაკიც 19-დან 59 წლამდე მერყეობდა.
სპეციალისტებმა დაადგინეს, რომ კანაფის რეგულარული მოხმარება რისკების მატებას უკავშირდება. კერძოდ, არამომხმარებლებთან შედარებით, გულ-სისხლძარღვთა დაავადების შედეგად გარდაცვალების რისკი 50%-ს აღემატება, ინსულტისგან 20%-ს, მწვავე კორონარული სინდრომისგან კი 29%-ს.
„მეცნიერები რისკების შესწავლას აგრძელებენ და აცხადებენ, რომ დროა საზოგადოება კანაფის მოხმარების რისკებზე კარგად დაფიქრდეს, განსაკუთრებით მაშინ, როდესაც საქმე გულის დაავადებებს ეხება“, – წერს CNN-ი.