ნატოს სამხედრო კომიტეტის თავმჯდომარემ, ადმირალმა ჯუზეპე კავო დრაგონმა განაცხადა, რომ აშშ არ დატოვებს ნატოს, მაგრამ შესაძლოა გაიყვანოს თავისი ჯარის ნაწილი ევროპიდან.
დრაგონემ, კერძოდ, ისაუბრა ევროპაში დისლოცირებული 100 000 ჯარისკაცის ნაწილის გაყვანის შესახებ „გარკვეული ვალდებულებების გამო, რომლებიც შეერთებულ შტატებს აქვს ინდო-წყნარი ოკეანის რეგიონში“.
თუმცა, მან ხაზგასმით აღნიშნა, რომ არ ფიქრობს, რომ „ამერიკელების დიდი რაოდენობა ევროპიდან გავა“.
დრაგონემ ასევე მოუწოდა ნატოს ევროპელ წევრებს, გაზარდონ თავდაცვის ხარჯები და აღიარონ, რომ აშშ-ის პრიორიტეტების შეცვლა ნიშნავს, რომ კონტინენტს სჭირდება სამხედრო ძალების გაძლიერება.
მან ხაზგასმით აღნიშნა, რომ ევროპაში ამერიკული სამხედრო ძალის ნებისმიერი შემცირების საპასუხოდ, რეგიონის სამხედროებმა სწრაფად უნდა შეძლონ ხარვეზის შევსება.