უკრაინის პრეზიდენტმა, ვოლოდიმირ ზელენსკიმ განაცხადა, რომ უკრაინას ჯერ არ ჰქონია შეთანხმებები ტერიტორიებთან დაკავშირებით, თუმცა გასაგებია, რომ აშშ და რუსეთი ამ საკითხებს განიხილავენ.
„ვფიქრობ, ამერიკული მხარე რუსებთან [უკრაინის] ტერიტორიებზე საუბრობს. აშშ-ს უნდა ჰქონდეს გავლენა რუსეთზე და არა პირიქით. ჩვენთვის ეს ყველაზე მნიშვნელოვანია. პრეზიდენტ ტრამპს აქვს საკმარისი ძალა, ინსტრუმენტები, სანქციები და ა.შ., რათა გავლენა მოახდინოს პუტინზე, რათა მათ ეს ომი დაასრულონ. ჩვენ გვაწუხებს, როდესაც ისინი ჩვენზე ჩვენ გარეშე რაღაცას განიხილავენ“, – აღნიშნა ვოლოდიმირ ზელენსკიმ.
„ჩვენთან ტერიტორიასთან დაკავშირებით არანაირი შეთანხმება არ ყოფილა. მათ იციან, რომ ეს მტკივნეული საკითხია. ამაზე თავიდანვე ვსაუბრობდი. ვფიქრობ, რუსებთან ყველაზე რთული ორი საკითხი იქნება: ეს არის ცეცხლის სრულად შეწყვეტა და ტერიტორიების საკითხი, რადგან რუსებს ამ ომის დასრულება არ სურთ“, – დასძინა უკრაინის პრეზიდენტმა.