ევროპის საფეხბურთო ასოციაციების კავშირი განიხილავს რუსული გუნდების უეფას ეგიდით გამართულ ტურნირებზე დაბრუნების შესაძლებლობას უკრაინაში ცეცხლის სრულად შეწყვეტის შემთხვევაში. ინფორმაციას ამის შესახებ ბრიტანული გამოცემა The Independent-ი ავრცელებს.
პუბლიკაციის წყარო აცხადებს, რომ ამჟამად მუშავდება ნაბიჯები რუსეთის საერთაშორისო ფეხბურთში დასაბრუნებლად. ასევე აღნიშნულია, რომ უეფა-ში შიდა ზეწოლა იზრდება.
სტატიაში ნათქვამია, რომ ფიფამ და უეფამ რუსები შეჯიბრებიდან მორალური ღირებულებების გამო არ მოკვეთეს, როდესაც რუსეთმა უკრაინაში სრულმასშტაბური შეჭრა დაიწყო. მოკვეთის მიზეზი ის იყო, რომ 12-მა ევროპულმა ასოციაციამ რუსებთან თამაშზე უარი თქვა. ფიფასა და უეფას უნდა გადაეწყვიტათ: გაეგდოთ 12 გუნდი თუ ერთი. ამიტომ რუსეთი „ტექნიკური“ მიზეზით მოკვეთეს.
„მმართველი ორგანოები აქტიურად ცდილობენ თავიდან აიცილონ ქვეყნების პოლიტიკური მიზეზებით მოკვეთა, რადგან მათ არ სურთ ყველა გლობალური კონფლიქტისთვის კანონმდებლობის სირთულეებში შესვლა“, – წერს The Independent-ი.